سعد علوش-البطاقة الشخصية+الدواوين

البطاقة الشخصية



الـأسم :سعد بن جابر بن علوش الهاجري
الجنسيـه :كويتي من اصل سعودي سابقا
العمر / 31 سنة
متزوج مرتين





•
•


سعد بن جابر بن علوش الهاجري ( المرعب )
صاحب المشاعر والاحاسيس الجميلة والصادقة,
الذي يُعد من اهم شعراء جيله,
والذي يتميز بشاعريته وبكتابة قصائده باختياره للكلمه وانتقاؤه لها
وبقوة التعبير وصدق المشاعر خاصة فأن كل ما يدور في ذهنه ويكمنه قلبه تفيض به حنجرته
وارى ان ذلك هو سبب نجاحه, فنجاحه في تميزه وابداعه, لذلك يصعب علينا مقارنة بغيره .

الدواوين

••لـآ خـلـأ ولا عدم••


ردني لك موتي في غيابك موتين ......
..... يامحول ضيقتي من وجود ليا عدم
لاتخليني مابين الثلاثة والثنين ........
.....البكى والسخط فيك وشعوري بالندم
ضقت ذرعا ياالله انك تزينها تزين .....
....من عيون اللامبالاة وايدين الردم
والله إن جرحك بقلبي كبير وله حنين...
...كبر ملك الإمبراطور في عيون الخدم
الله اكبر الله اكبر ياوليفي بعد ماكنت وين ..
.صار مالي في حياتك ولا موطئ قدم
ردني لك لاخلاص أنت رح والله يعين ..
...من علشانك يفض الجموع وينحدم
خلني لي ووعدك في مقابيل السنين ...
....ماتمنى صعب ولا اعشق ولاالنصدم
أنت ما قصرت يالغالي وعذرك سمين ..
.. وطول الله عمرك ولا خلى ولا عدم




•
•



•• اجمل حظ سيــئ ••





با ارجل وباتي . إذاني اقدر آتي
بس آخاف ارحل ولا عاد اقدر آتي



لأن هذا حظي ، وهذي صدوفه
يكره استقراري ويغلي اشتاتي



وعاد عقلي كل ماجيت اتشتت
يحسب اشتاتي على قدر امنياتي



والبلا . ان كل ماعقلي تمنّى
ماحصل لا في اشتاتي ولا ثباتي


يمكن ان وضعي وضع سيئ ويمكن
ماتحمّل جسمي كبار اشهواتــي



والدليل ان ودّي ماارحل وشفني
اربط اشلائي بمحزم ذكرياتـي


ياحبيبي ليتني ماكنت احبّك
لاجل احبّك دبل واسوي سواتي



يعني كل شي حطّة فـ عقلك وحاته
إلا بخصوص انّي احبك . لاتحاتي



لمّني وامسح دموعك .وابتسم لي
وحبني منّا ،، ورتّب حاجيـــاتي



واعرف انّي ماودي اتكلم ولا ابكي
بس دايم دمعي يحرّك سكاتــي



شي واحد قبل لا ارحل بقولــه
انت.. اجمل حظ سيئ في حياتي



•
•


•• وريدي••



ياللي غرامك جاري في وريــــــدي 00000 لا وشـ غرامك جاري في وريدي


استغفر الله لو بقول انـ غرامـــــك 00000 ماباقي الا يطبع اسمك على ايـدي


لانك بصدري وانت مانته بصدري 00000 تطلع من انفاسي وترجع ياسيـدي



اليا طلعت احس كني اشـــــــــوفك 00000 وانقص انفاسي ذكا ياضديـــــــدي


اخاف لاتطلع واعاد ترجـــــــــــع 00000 واشفق على شوفتك واقول زيـــدي


فهل علمت عـــــــن جنوني يآنف 00000 اني لمجنون نشاز المجيـــــــــــدي


(لبيك ياسلكــــــــا حملت الفضائل00000 أوعز لصاحبك بتحــــــــرير قيدي )


يعني بحكينا لبى والله اعـــــــروقك 00000متى اتعيد في عيـــــــوني ياعيدي


ثفقني بوصــــــــــلك مثل ماتثقف 00000 شعار جيلي من ثقافـــــــة قصيدي


لو ضلع عيني حس موطا وصالك 00000 لاطاح حيده ولاطـــــــــــــاح حيدي


تخيل اني من كثــــــــــــر ماتخيل 00000 اتخيلك تدعي واحسب انــــك ميدي


ياخي تــــــــرى جننتني بالمفارق00000 جننتني وانـــــا بعدني ياجيــــــــدي


لكن مع الله كل بلــــــــــوه بخيره 00000 انا ذكاي مــــــن التجارب رصيدي


اذكرني اليا من سمعت بغرابـــــه 00000 اليا سرى فعروق مخك قصيـــــدي


وانا بعد لامـــــــن ذكرتك ياغالي 00000 بسجد لوجـــــــــه الله وباقبل ايدي



•
•



•• أخذيني••



اخذيي اليا عجبتك بس رديني
وان ماعجبتك خلاص اخذيني.. مابيني


مادامني شفت فيك الطهر والعفة
باعيف نفسي ليامنك كرهتني


اخذيني لو اعتبر من ضمن اشيائك
وانا باحبك ولا لازم تحبيني

لابي علاقة ولابي نظرة وبسمة
احساسي اني بقربك بس يكفيني


لو اني انضفت لأشيائك غصب عنك
طلّي علي ياغناتي لاتخليني


تراي لاجا المصامد ماني بهيّن
تقول كن العرب لعبة بيديني


شخصيتي من غرابتها وطيبتها
كن الزمن في تحدي بينه وبيني


اخذيني الشاعر اللي ماصدق حظه
لاقلت: ياحظ وينك!! قال: ياويني!!


اخذيني المبدع المتفلسف التحفة
مؤمن وتضحك على العالم شياطني


شهرة شكسبير وافلاطون ونيوتن
لاقلتي بيت شعر تطيح من عيني


واخذيني العنصر اللي صدق متعنصر
من دون ربعي لو اقطع شراييني


واخذيني اللي اليا منه طلب يُعطى
وتكفين لامن طلبتك لاترديني


تكفين ياغايتي يابهجة الدنيا
ابحرق قلوب ناس ماتدانيني


اخذيني بكل شوق وقولي: احبه
وان شككوا فيك ولا في.. ضميني


قولي: سعد والله انه غالياً جدا
وياجعل فدوه شبابي واخر سنيني


وانا باصدق كلامك واعتنز بالله
وباقول: للناس مايعنيك.. يعنيني


وانا علي نذر مارخص جيتك
وانتي نذر على رقبتك انك ماتخليني





•
•



••مهــــآآوو••



اخر حركات التدلع والغنا
اللي اسمها(مها)وفي الدلع(مهاو)



فرفوره تسلف الشمس السنا
مغويه ويطرد وراها كل غاو



ان وقفت كل شي ماتباعد دنا
وكل شي متلخبط مع الوقفه تساو



واليا مشت؟قال النمل:الله لنا
تقاو ياجوعي على صبري تقاو



ذروة ترف..ذروه غنج..ذروه هنا
جمالها مايستوعب وماينتقاو



في iiجنبها:نوره,وعبير,ومنى
شباب...وعند البل وكشختهم فراو



مخلوق لامنه انثنى يعني انثنى
كل الزوايا تستقيم اليا تزاو



يابوي شي لايوصف ولا ينجنا
يسبب لك جروح لايمكن تداو



مثال:لاجاعت وطال بها العنا
كل الحلاو اللي على هالارض جاو



هي جايعه؟؟!يارب تاكلني انا!!
هذي سواليف الحلاو...مع الحلاو



واليا كلت اطرف حلاوه من هنا
كل الحلاو يشوفها ويقول((وااو))!!!




•
•


••مـــــآيصير••



مايصير وين تحديد المصير


رحت مع ذاك الطريق وأنا مـع ذاك الطــريق


صرت حتّى ماتطيق رفـقـتيلك يارفيق


غيّروك وصرت غير؟


دامني محسود بنّي شاعرك .. ومنغبط


ليه أنثّرلك كلامن كل مايعلو هبط

أنت يعجبك النبط؟ طيّب أبكتبلك نبط


صاحبي؟ مامن الدنيا ولا الناس خوف


دام جاه الله معزّب وذكره ... خوي


والدليل؟ أنّها لاقربتك .. الظروف


رحت ماكنني .. مشفق ولا مهتوي


أأتباعد ولا أشوفك .. علاشان أشوف


أنّي الضامي اللي مايبي .. يرتـوي


لانّي أجلس وسط عينك وأخاف الوقوف


وطبعا .. أخاف من بعد الوقوف .. أأهوي


مابي أكون دمعة حزن بين الكفوف


لانّي أكبر من ذراع الزمن .. واللّوي


خلّني جامد فبعدك ومنلاف لوف


لجل لاشفتك أتـناثر وله وأنطوي


أأه من نظرتك لاشكّلتني صفوف


جل منهو مسوّي شي مايستوي


كن عينك؟ دجا ليله .. وزحمة سيوف


أركزوهــا هل العليا .. براس .. أمحوي


تقتبس كل تحفه من وصوفك وصوف


لبّا وجهك ولبّا ... كل مايحتـوي


فيه من نوف أبو الطيّب على الناس .. نوف


وفيه فسقات متحضّر .. وحزن بدوي


ليه تحزن؟ يعمري والضياع أمخلوف


شوفني مبتسم .. والدون .. تكوي كوي


لان عندي درايه فالزمن ... ومعروف؟


السّوي ؟ اللّي يسبّه شخص ماهو سوي


تدري ليه أتبسّم لاشتموني ضعوف؟


لان شتم الضعوف ؟ أيدللّ ... أنّي ... قوي
----------------------------------
•• رســــوب الـأغبيــآء ••


أن كنت أنا أخطي شي طبيعي لان أنا ماني نبي
محدن عصمه الله من الاخطاء .. كون الانبيا


فعلا أنا أخطي بس ضوّي ماتشب الاّ iiأحطبي
أطمح ولولا الليل .. محدن شاف فايدة الضيا


أمشي ولو أموت وأنا أمشي .. ولاكن ماحبي
ولا أعشق الصوره . ولا الكربون . ولا أعشق غيا


كل ماتعثّر ؟ قلت في نفسي وأنا أمس iiشنبي
ياكم على الدنيا فقير .. ويحسدونه iiأثريا


أبغا أتوحّد وأنت أخذ مزهبك وأترك iiمزهبي
كنّا أخويا ومن بعد مازلّليت ؟ ماحن iiبخويا


أبعصم رجيلي عن دروب السخافه iiياصبي
لانّي حياوي والدروب السود .. مافيها .. iiحيا


تعال وادعني وداع الارض للحر iiالابي
أنا بعللّي .. وأن دعيتك ؟ فالعفو ... iiللأنقيا


ماني منادي بسمك . اللّي .. ماتسموااه iiأجنبي
فن قلتلك .. يا ؟ .. أعرف أنّي حاشمك لاقلت ii..يا


يا؟؟.. والله وبالله وبعد الله وبي iiوبسببي
صارت شياطين الحروف المستهيمه ..؟ . iiأتقيا


فن شفتني متعب هجوسي في رسم راس iiالضبي؟
ماهو علاشان أكسب أعجابات .. ريمان .. iiوهيا


لالا . أنا مخلوق مبدع . مايحب iiومايبي
ألاّ يقول ؟ أن الاذكيا؟ سبّة . رسوب iiالاغبيا


من الذكاء؟ أنّك تسويّ نفسك أحيانن iiغبي
بس الغباء؟ أنّك تذيكالك .. على ناس iiأذكيا




•
•



•• مرتبة الشــرف••


تضيق بي الدنيا بكبرها من معابيس الوجيه
وهذاك لا منه تبسم شفت للدنيا طرف


مني واليي احببته و هو حبني منه واليه
من غير لا انا اعترف و من غير لا هو يعترف


ليه اتحاكا و كلبوي يعرف غاية كلبيه
اليا فرح افرح و دمعه لا ذرف دمعي ذرف


اغليه يعني اعشقه اعشقه يعني اموت فيه
يعني انا ميت معا عشقه و مرتبة الشرف

ميت و يعشق والسبب مافيه داعي ان احكيه
الغيد فالدنيا هواه و هو لحاله محترف


الشامخ اللي لا اقبل و حضن يديني في يديه
تراعدت فرايصه بالغنج و اتساقط ترف


امشي معه من غير لا اين و لا كيف و ليه
من حيث ما يجرفني اغمض عيوني و انجرف


ان قال لا اقول لا وان قال ايه اقول ايه
ما عرف مسمع ما ارى ما ارى مسمع معرف


اللي اعرفه اني ابيه ايتجملبي و ابيه
وكان العدل في صدته سجلني اكبر منحرف


يغفرلي الله و الله يديمه و يرحم و الديه
علمني ان البعد نكسة حال والصده قرف






•
•



•• أنكســــآري ••


انكسرت من الفراق وشوف عيني
...شوف عيني وأنت تدري بانكساري
كلما مديت لوصالك يميني
....رحت تتجاهل يميني مع يساري
حتى صرت أشوف جرحك في يديني
.....في يدين الجور صداتك مواري
حس فيها لابلاها حس فيني
.....لا تعبرها لكن رد اعتباري
وأنا مقفى جعل منت منتويني
......بالجفا والخوف وأنواع العزاري
ياهلي يانصف ربعي ياخديني
......يامواني غربتي ياروح داري
يا شموخي يا انكشافي يا دفيني
..... يا علوي يا بقائي يا انحداري
يا بداياتي يا مائي يا كسجيني
....يا اندثاري يا اعتدالي يا ازدهاري
يا بلادة حسي وقمة حنيني
.....يا اختياري لا يا عشواء اختياري
أعشقك من عادني فول سنيني
...لين صرت آخذ مع نفسي قراري
من عرفتك وأنت ثالث والديني
....واللجوء إليك يعني لي فراري
ضمني خل الضرر بينك وبيني
.....الضرر من ضمتك شيء اضطراري
خل يدينك من الجور اتحميني
.....من جمود يعيش و الين انصهاري
كل ما ضاقت بعيني يا موعيني
......ابتسمت وصار لي ليلي نهاري
فلا سكت تروح بطيش اتحكيني
.... رجعي أبطبعك وبأسلوبك حضاري
ماذبحني فيك ألا انك تبيني
....وما سحرني ألا حكاك الأستعاري
لا حكيت أحس بأشياء تعتريني
....وان خشع قلبي وتطري لي طوراي
أعشق حكيك وحفظه يا ضنيني
....حفظ بن تيميه لحكي البخاري
ولا سكت أحط يدي في جبيني
....وارجي الله ما يطول بانتظاري
أدري أني عندك وأسألك ويني
.... داريا لكن ما كني بدراي
لين شيطاني تلفظ كلمتيني
....ورحت مني ما تبي سمع اعتذاري
لا تبكيني وتفرح عاذليني
.....ولا تخسرني بعد كبر انتصاري
لا تخليني بعد فيضة كنيني
.....وأنت خابرني على الوصل انتحاري
لا تروح بروحتك كلن يجيني
.... ما ني مكابر ولا حتى مداري
انكسرت من الفراق وشوف عيني
..... شوف عيني وأنت تدري بانكساري



•
•



•• تحفــــــة ••


حبيبتي تحفة من النوع الفريد
ولا جيت ابمدحها اخاف iiاذمها




لأن المديح بها ينقّص ما iiيزيد
و لأنها خيال و طايش iiماهمها




متمردة و بعقل هارون iiالرشيد
و بالزين ما عذرا توقف iiيمها



لو قستها مثلا على الجيل iiالجديد
تحط (( حليمه بولند )) iiبكمها




من غيّها السادات سوّاد iiالعبيد
تحر و تبرك عند ركبة iiعمها




ومن غيها لامن تثنّت كل iiحيد
وده يصير انسان لأجل iiيلمها




ومن غيها حتى الدهن عود iiالعتيد
يسيل في يدها عشان iiيشمها




من غيها لامن خذت نفس iiجديد
تهاوشت الانفاس على iiفمها




لبيها ام الفكر وام iiالقصيد
لبيها من ضحكها لى iiغمها




اللي بقوله جعلها الحظ iلسعيد
والله يخليها لأبوها و وامها





•
•



•• عـــــــلم نفس ••


في فن علم النفس وانماط iiالحياه
مصيبتك طلّع وراها فايده..



لاينتثر فكرك على كذا iiاتجاه
الخصخصه فن العقول iiالرايده..



وان ساد من حولك شعور iiالاشتباه
خذ لشعورك منطقه iiمحايده..



الثقه سقف العقل والناقص iiذكاه
من حسسك بأن فيه حاجه iiزايده..



والابداع؟ماهو لعب شد iiالانتباه
على حساب الغاء فكره iiسايده..



والضيق ضيق الافق واكظام iiالشفاه
وفهم الحياه على انها iiمزايده..



افضل وسيله للسعاده iiوالنجاه
سهله على الراغب ولا هي iiكايده..



توحد الله صدق وتقيم iiالصلاه
وجعل الفواحش عن حدودك iiنايده..



وتكف يدك وتحمد الله على iiالغناه
وتخشّر هنودك معك في المايده..



ولاتخاوي لاشيوخ ولا iiرعاه
خاو اصدقا تفكيرك وفرايده..



والشيخ من تواضعه يسبق عطاه
يتعودون الناس من iiعوايده..



والحب ذروة كل شي iiومنتهاه
ومحلا من وضوحه سوى iiمكايده..



يبكي الرجال ويبحّث iiخفاه
ويعلمه شرح الحظوظ iiالباديه..



واللي يحب احد(ن) ماهو في مستواه
يبطي وعينه بالمدامع iiجايده..



ياوجد حال الشاعر ويا امه iiواباه
وجود من هاوش لأخوه iiوصايده..



اللي اتمنى اعيش واتوفى iiمعاه
حتى فعيده ماقدرت iiاعايده..



الحزن طاقه للدعاة iiوللطغاه
وانا طلعت من الجروح iiبفايده..



ان لم تزد شيئا ً على هذه iiالحياه
فتأكد انت حاجه iiزايده..
-----------------------------
•• سخرية الـأقدآر ••


انا اليا مني تضايقت واحزنت
من ضيقتي تحزن لحزني جمااعه
لذا اكابر لاني اجزمت وايقنت
اني حريق وخايفيين اندلاعه
بك ياالهي عن عطا غيرك اعتنت
ياللي خلقت من الصناعه صنااعه
لاضاق بي حالي توضيت واذنت
وصليت لك يارب سمع وطاعه
مادامني عبدك وباقدارك آمنت
اكيد باصبر لانفقد لي طماااعه
لاكني اعذر لاتشينت وازدنت
احلام عمري ضاعت ف ربع ساعه
لايارفيقي ليت لازنت ماشنت
امرضتني وانا ماعندي منااعه
كنت احسب انك لاتبينت بينت
واثرك مع البشعين تدرس بشاعه
قسيت بي وانا لقربك تهاونت
وكسبت ضيقة خاطري واتساعه
اللي على امآآآل تزويجها ادمنت
اخذتها في قرب جد ولكاااعه
الله يطمن بك ليا من تطمن
واللي يعديني حدود المراعه
ماوقفت دنيا بكبرها على بنت
الللي يوقفهاا الرفيق وضيااعه
يابن العمومه لاتحسبونني شنت
لا والذي تصبح بذكره الاذاعه
هو ماهو به لكنني كما كنت
ماخون ف الصاحب ولا الوي ذراعه
على العموم اشكرك جدا ولاهنت
اقنعتني في شي واصبح قناعه
من سخرية الاقداااار اني انا وانت
يضمنا جد ونسمى جماااااااعه




•
•


•• قنآعآتي ••

قنوع وآسخط في كنوز العالم المتشبعه
وقناعتي كنزي.. وشبعتهم هلاك في هلاك
لاصرت في صحه وخير وذود آبوي مربعه
كني ملكت الكون كله من هناك ليا هناك
يكون شيء مجمل حبالي عليه..مجبعه
يامجبع حبالي وآنا الظميان والما بس ماك
شبيت في قلبي وآنا بطبع البرود مطبعه
وكذاب من قال الحرارة من نتاج الإحتكاك
هذا آنت في لوس آنجلوس متقبعلك قبعه
وآنا على عرق وخفوقي يابعد عمري معاك
لبيك ياأظبي ظابيات الزين وأشرس سبعه
لبيك من ثورة نفسك الين ترتيبت حكاك
يامنبع من الزين لا الزين إنت منبعه
سبحان من سواك لين أصبحت تفرق عن سواك
وسبحان من خلى شطوطك ف الحشا متربعه
وسبحان من وحدك لاتحذى ولا يوخذ حذاك
وسبحان من خلى الخفوق أيتبعك وأتبعه
وسبحان من خلاني أقول العمر جعله فداك






•
•



•• الله الله ••


لا تقيس الدين بالعقل يا عقلي ..ونام
فيه غيبيات أأمن بها ..بلا مقوت



لأن إيمانك بها يعني انك في سلام
من غضب ربي وسخطه وتخريب البيوت



لا تفكر في مسائل نتايجها اثام
يكفي ان الوقت ملبسني من الاثم كوت



آثم بس اعرف ويش تالية الغرام
بين شيخان العقيدة وشيخان البشوت




تالية حب الطرفين ضيعه وانقسام
تنعكس على من يدور لمضناه قوت



السكوت يزين لا صار من حولك كلام
بس ماهو زين لا صار من حولك سكوت



ويش اقول؟ اقول يالله جعلهم للعدام
لا.. بقول انا اتمنى قبل عمري يفوت



ودي اني ماتعداك يالبيت الحرام
وودي ان اعيش فيك العمر كله واموت



الله اكبر لا اذن المذن وكبر الامام
واصبحوا زاكين الانفاس من خلفه صنوت



وابتدأ يرتل ونظم بترتيله زحام
وانتهى من ركعته وابتدأ يدعو قنوت



الله الله الله الله على شعور الوئام
جعل صوت ابن سبيل بعد مليون صوت



يجعل بيوت الشياطين في عقلي حطام
كن صوته ينتشلني معه من بطن حوت



لاسمعته..يصغر الكون فعيوني .وأنام
وأمن إني مؤمن ابما يقول بلا مقوت




•
•


•• تعـــآل خذني ••

ياوي النعاس لعين من يرغب بإيواء النعاس
وأنا مجلوي كل نعسة عين مع إني..سدر

العقل نعمه لكن أحياناًً يسبب انتكاس
يشوقك إن العقول الحين..ماقل وندر

أنا أفكر كيف ازيل المنحدر من الاساس
والأغبيا لاهين في لذة صعود المنحدر

تعبت لأني من هل الطولات صعيبين المراس
للي يحبون الوفا ولا يحبون الغدر

تعال..يابن آخي الغلا..ياهوه..ياعالم..ياناس
يافكر"ابن جدلان"ياتركيبتين من "البدر"

يامعضلة تمشي على رجلين يا العشر الحواس
ياشاطب من ذاكرة تاريخي الوجه الودر

يا مطلع أهداف أجمل الغيد إلى "رمية تماس
يامهدف بقلبي ثمان أهداف من حب وقدر

تعال اخذني من يدين الهم ووجيه العماس
شوف العرب ضيقة صدر ومشاهدك وسعة صدر
-----------------------

•• سمني هآآجري ••



يارفيقي لاتواخذني على عزة كياني
وأنخذيتبها فعذري معي قرم أو من عبيده


سمني ياهاجري والا عبيدي
وأقحطاني كل منها يرفع الرجال ويزود رصيده


أسم واحد من الاسامي؟ ذي؟ يبنيله مباني
كنه أيشجع على طق الحديده بالحديده


وعلم؟ اللي يوم بلش أبصيغة الاحرف حكاني
داري أن أسمي لاجا فالسالفه؟ جمله مفيده


لايحسب أنه نقص من قيمتي والا حداني
لجبل وش ينقصه؟ لامن تهاوت منه؟؟ حيده


ول ياخمر السوالف في مزاجيه؟ الاذاني
أفتعل قتل الطموحات ,؟ القريبه؟ والبعيده


ساقها؟ من برحة الوادي؟ ليا حد .. المواني
وقال؟ نامي ياغناة الروح وأحلامس .سعيده


مادرى؟ أنها؟ قد تحلت بركة الهرش العماني
من؟ أناسيمه الاثفنته لا يده لا قيده


حب الاحرف ضيع أحساب الدقايق والثواني
يامضيعة المبادي في رجا؟ نشدة نشيده


ياسلام الله على اللي حبها؟ بين المحاني
فارعن بلحالها؟؟؟ تسوى ثمانمية؟؟بديده


ماتسلت؟ في مسليت؟ الاصابع والاغاني؟
وماتقول؟ أنا الوحيده وماتسموة؟ بالعنيده


من طهرها؟ تستحي حتا؟ تصححلي لساني
كني؟؟ أذبحها ليا من جيت اسمعها؟؟ قصيده



ياغناتي من تعرض ذكر ذربين اليماني
عقبوه أمطويت الاكفن؟ هل الاريا السديده


وكانها بالطيب؟ ماعقب الحصان؟؟ الا الحصاني؟
وكانها بالجيد ياطيب أخر المعنز؟؟ وجيده


وكانها في فبركة ضرب المعاني؟ بالمعاني؟
الشعر يسجد لوجهي؟ كل ماسوي جديده


علميه؟ اني من أملوك القصايد؟ وأقحطاني
وأن بغا التفصيل؟ قولي؟من بني هاجر عبيده



•
•



•• الـــــودآع ••


أنـت بتسافـر حبيبـي .. نعـم سافـر وغـيـب "
" بـس تكفـا سـم بالله علـى عقلـي .. لا مـاع
لأن مـانـي قــادر آوادعــك وأنـتــه قـريــب "
" كيـف وأنــت بعـيـد تبغـانـي آقــول الــوداع
بس لحظه قبل لا أنسـى لاتنسـى يـا اللبيـب "
" قـل لمـا تملكـه مــن مغـريـات ومــن مـتـاع
أنّـي آحبّـك وأحبّـك وأحبّـك .. لـيـن أشـيـب "
" يعـنـي لـيـن آمــوت وآنــا أحـبّــك للـنّـخـاع
أحشمك وأغليك بالحيـل .. والشـي الغريـب "
" أنّـي أكـره كــل فـكـره تـقـودك .. لنصـيـاع
كـان مـال لمشكلـة وصلنـا الاّ حـل .. عيـب "
" كـــب حبّـيـلـك وسـمّــه مـتـاهـات وخـــداع
لانّي أطهر مـن بيخسـر علـى الدنيـا حبيـب "
" ولأّنك أنقا من وطت بطن رجلـه ظهـر قـاع
كثـر مايدعونـي أهـل الهـوى ولا أستجـيـب "
" كثـر مـا صفّـط علـى بعـدك ذراع .. وذراع
آه لا وقّـفـت مــن بـيـن بتصـيـب وتـخـيـب "
" بـيـن يـدّيـن المـوالـيـف وأفـــواه الـسـبـاع
وآه لامـنّـي ذكــرت أن كـلّـن لـــه نـصـيـب "
" وآه لامنّـي ذكـرت أن عـلـى وجـهـك قـنـاع
أشعـر أنّـه منخلـق مـن عسـل ورد وحليـب "
" وأشعر أنّي كل ما أذكره .. مجموعـة جيـاع
ليـت مالـك فـي حياتـك خـويّ .. ولا طليـب "
" كان بااخشّك وسط خافقـي وآآقـول .. ضـاع
أمحق الله سعو ولف الهيام . وقطـع صيـب "
" مـن يبكّـي مقلتيـن الشجـاع ابــن الشـجـاع
لو على البحرين شرهه . ودمعات . ونحيب "
" كـان مـا خلّتـك تقفـي عــن حــدود الـرفـاع
ولو جنيف أتحس في جرحي المـر العطيـب "
" كــان مــا تـاخـذك مـنّـي وتعطيـنـي ضـيـاع




محبـــــــــZEZOOــــــكـم

مشكووووووور زيزو


شكلك من عشاق سـعد علــوش

الله يعطيك العافيه ... بصرااااااااحه شـآآآآآآآآآآعر خيـآآآآآآآآآآآآلي ..

نورت صفحتي بتواجدك ...

الله يعطيك العافيه